HIDUP adalah PERJUANGAN

SAATNYA GENERASI MUDA BERJUANG UNTUK KEMAJUAN BANGSA DAN NEGARA INDONESIA

Senin, 01 November 2010

palanta mak sati

Dunsanak sa palanta, ketek indak disabuikkan namo, gadang indak dipanggiakan gala. Sabalunnyo ambo maminta maaf dek karano talambek mambaleh milis yang mananyokan identitas badan diri ambo oleh Kmd. Andrinof Chaniago. Kapado moderator paralu ambo jalehkan bahwa email ambo di milis iko indak dibajak urang, jadi pandapek nan ambo tulih, asli dari ambo nan banamo Noor Indones glr St. Sati. Ambo baru pulang dari kampuang di Agam dan indak mambuka email di sinan. Ambo berkenalan untuak memanfaatkan tehnologi komunikasi informasi dunia maya iko karano diperkenalkan oleh angku doto Abraham Ilyas (63 th), kutiko baliau membangun situs komunitas (th. 2002) di www.nagari.org /dan selanjutnyo www.nagari.or.id. Kutiko itu baliau maminta ambo untuak membangun komunitas dunia maya nagari Sitalang di Kab. Agam. Meskipun pembangunan nagari maya tersebut sampai kini masih menggunokan hosting gratis di www.geocities.com/ctalang, tapi kok urang mamasuakkan kato kunci Sitalang (nagari asa ambo) di google, alah bisa diketahui suku, nagari asa sarato foto ambo (walaupun gaek masih ngganteng lho, he, he..!). Jadi namo Noor Indones itu indak palasu doh. Induak bareh sorang sajo, dan anak ado 9 urang. Alhamdulillah kasadonyo alah tamat PT dan alah nikah. Kiniko 6 urang anak ambo badomisili/bakarajo di Sumatera, 2 urang di Jawa dan sorang di Japang. Iseng-iseng kok nak mengecek identitas diri ambo bisa ditanyokan ka Bapak Prof. Amran Halim, mantan Ka. Pusat Bahasa. Mulonyo ambo nak maurus/maninggakan pasan-pasan sabalun ambo mati hanyo untuak anak-kamanakan sajo di situs nagari Sitalang, tapi angku Abraham maminta ambo untuak mambuek semacam “palanta” di homepage di situs nan baliau tampilkan dan diagiahlah judul palanta tersebut diambiak dari gala ambo yaitu “Palanta Mak Sati”. Palanta barisi “guritiak” untuak proyek/pembangunan Sumbar. Bukankah kini jaman alah baganti jo jaman reformasi, siapopun buliah mangaluakan pandapeknyo asa indak menghujat. Ambo maraso… kok pemda Sumbar salah arah dalam mambuek proyek-proyek pembangunan…., tantu akan marusak anak-kamanakan sarato keturunannyo, khususnyo nan bamukim di nagari Sitalang nan Barajo Surang. Jadi kok amuah manalusuri isi tulisan ambo di palanta Mak Sati, lai ado alternatife lain nan ambo sampaikan di sinan tantangan pembangunan iko (selain galeh wisata). Sebagian Daftar Judul tulisan di bawah merupokan karangan ambo pribadi atau basamo jo angku Abraham Ilyas. Tampaknyo lai ado nan mambaco tulisan tersebut sesuai jo angko-angko nan tatulih di belakang judul. Kini permintaan ambo, kok lai kan ado nan ka mambantu ambo mambuek tulisan disaratoi paretongan jo angko-angko (proposal kecek rang kini), ba a caronyo badagang Carbon dari hutan ulayat dari nagari-nagari di sekitar danau Maninjau. Kabanyo negara maju basadio membantu masyarakat nan mamaliharo hutannyo (dalam rangka mengurangi pemanasan bumi). Kok lai ado dosen-dosen (di lua tampek ambo maaja) Pengamat kebijakan publik dan aktifis sosial di Jakarta sarato aktifis LSM nan bisa mambantu menghubuangkan nagari-nagari tersebut dengan masyarakat Uni Eropa, US, Australia dll. negara maju, tentunyo dolar, euro, yen akan datang ka kampuang. Indak paralu anak nagari diajai manjua jasa pijit-urut ka turis lai, karano mereka bisa mandapek modal untuak mamaliharo labah, bataranak itiak, kambiang jo Jawi dll secaro moderen. Nagari-nagari awak bisa mengantikan HD, Klink sebagai MLM nan manjajokan madu nan Rp. 250.000,- sa liter. Satantangan karajo ambo, dauluno guru bahasa Indonesia salamo 25 tahun, dimulai dari tingkat SD sampai Perguruan Tinggi dan intansi pemerintah di Palembang dan kini alah pansiun. Aktivitas sosial ambo tahun 1957 sampai 1960 memfasilitasi kegiatan-kegiatan perjuangan daerah bergolak di kota Palembang (penghubung di kota) dan kini dipacayoi dek kawan-kawan lamo manjadi sekretaris Forum Komunikasi Eksponen 66 SS) di sampiang sebagai ketua Seksi Pembinaan Adat Minangkabau BMKM sarato Pembina pengurus Ikatan Keluarga Agam dan Bukittinggi Palembang. Namo ambo Noor Indones, nan artinyo Cahaya Indonesia tantunyo merupokan niat/doa atau mukasuik atau Visi dari urang gaek ambo nan mengharapkan anaknyo manjadi orang Indonesia nan baik. Khusus untuak pambarian namo iko alah ditabuih dek baliau th. 1936 dengan manghuni pinjaro salamo 3 bulan. Komentar ambo tentang pembangunan ekonomi untuak nagari-nagari di salingka danau (agar disesuaikan dengan budaya), dimukasuikkan untuak menanggapi tulisan salah seorang anggota milis (penulis memperkenalkan dirinyo sebagai aktivis LSM) yang meminta tulisannya untuak dikomentari. Bak kato urang Minangkabau, baliau iko ibarat kayu gadang di tangah koto, nan bapucuak cewang ka langik, baurek limbago matan. Ureknyo tampek baselo, batangnyo tampek basanda. Dahannyo tagok, tampek bagantuang. Daunnyo rimbun tampek balinduang di ari paneh, bataduah di ari ujan. Babuah kato nan bana. Ka pai tampek batanyo, ka pulang tampek babarito, nan sarupo kecek urang: Bak antan mangko bak nangko Di nan dangkek basijingkek Di nan dalam basibanam Ka lurah manurun, ka bukik mandaki Nan ambo takuikkan, bak bunyi pantun: Puyuah nak urang Koto Nopan Bao bapikek lah daulu Guruah nan indak jadi ujan Bumi jo langik nan dapek malu. Demikianlah dari ambo, urang Gaek nan biaso mangaji dimulai dari alih, sarupo urang daulu manjalankan agamo batingkek-tingkek, dari syariat, dilanjuikkan ka thariqat, mangarati jo hakikat akhianyo basuo jo makrifat. Meskipun ambo alah gaek dalam usia, namun praktek ambo barulah satingkek memahami jo manjalankan syariat sajo dalam iduik iko, balain jo kabanyakan (!) urang mudo kini lansuang maraso dapek hakekat. Maaf dan hormat ambo, wollohuaklam. Noor Indones St. Sati Sebagian judul Karangan ambo lihek di www.nagari.org/palanta2.php atau di www.nagari.or.id/?moda=palanta2 Kelompok halaman : 1 2 Judul-judul di halaman: 1 Manggaleh, Badagang, Saudagar dan Budaya (993) Paradigma Minang Kabau unt. pedoman Pemb. Sumbar (1500) luak bapangulu, rantau…J…barajo (999) …tolonglah Ambo….. ! (782) Gayuang basambuik, Kato bajawab (922) Kirimkan seiris dagingku unt. Ratu Wihelmina (1871) Manjajokan Bika baulek bakuliliang kota: Servis untuak wisatawan (1017) Bana sasuai, paham saukua Tanggapan unt. Sdr. Jakob Sumardjo (908) Rekomendasi WSIS untuk anak-kamanakan awak (1758) Surek unt. Gubernur: Jaan biakan sarupo Padi Salibu (1240) Evaluasi Industri Utak di Sumbar th. 2005 (617) Talampau Cadiak (661) Tuah Anjiang, cilako kudo (630) Beda Orang dengan Manusia (941) Nagari dan Kota (440) Peto ta ajan utak (606) Inilah Perasaan (388) Si Usuit tagia bagala (443) Gadih Desa Mangamuak (458) Si Usuik manjadi Provokator (376) Dalam batin bahakikat pulo (427) Pandai-pandailah ! (355) Buyuang Tasulo Kayie (366) Ingek Sabalun Kanai (356) Konsep Wisata di Agam (365) Pengemis Jalanan, surek untuak Mamak (351) The derivation of the word “Minangkabau” (318) Bacirabuik Lonte (2328) Pil Kada (326) Gilo Mancaliak Baruak Barayun (493) Kembali ke Hal. Utam

Tidak ada komentar:

Posting Komentar